Azərbaycan Prezidenti İlham Əliyev bununla bağlı Sərəncam imzalayıb
Azərbaycan Prezidenti Bakıda Zığ Gəmi Təmiri Zavodunun tikintisini başa çatdırmaq məqsədi ilə Sərəncam imzalayıb. Rəsmi sənəddə deyilir: "Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. Bakı şəhərində Zığ Gəmi Təmiri Zavodunun tikintisini başa çatdırmaq məqsədi ilə Azərbaycan Respublikasının 2014-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan "Azərbaycan Xəzər Dəniz Gəmiçiliyi" Qapalı Səhmdar Cəmiyyətinə 10,0 (on) milyon manat ayrılsın.
2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni müəyyən olunmuş qaydada təmin etsin".
Bütün xəbərlər Facebook səhifəmizdə
USD
EUR
GBP
RUB