Azərbaycanda hava şəraiti yenidən kəskin soyuyacaq, temperatur 12 dərəcəyə kimi aşağı enəcək, bəzi ərazilərə qar yağacaq. Bu barədə SİA-ya Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova məlumat verib.
Noyabrın 2-i günün ikinci yarısından başlayaraq, Bakıda və Abşeron yarımadasında hava şəraitinin əlverişsiz keçəcəyi, şimal küləyinin güclənəcəyi, axşam saatlarından başlayaraq, temperaturun kəskin- 8-10 dərəcə enəcəyi gözlənilir. Noyabrın 2-i axşam, noyabrın 3 və 4-də hava soyuq keçəcək. Bu müddətdə havanın maksimal temperaturunun 4-6 dərəcə isti olacağı gözlənilir. Fasilələrlə yağntı müşahidə ediləcək.
Azərbaycanın rayonlarında noyabrın 1-də şimal və qərb rayonlarından başlayaraq, noyabrın 5-dək hava şəraitinin əlverişsiz keçəcəyi, yağıntılı olacağı, bəzi rayonlarda intensivləşəcəyi, dağlıq və dağətəyi rayonlarda sulu qar və qar yağacağı gözlənilir.
Noyabrın 2-dən başlayaraq, havanın temperaturu tədricən 7-12 dərəcə enəcək. Bəzi rayonlarda güclü qərb və şimal-qərb küləyi əsəcək.
Bütün xəbərlər Facebook səhifəmizdə
USD
EUR
GBP
RUB