Tibb Universitetinin əməkdaşlarının maaşı artdı

30 Sentyabr 2014 10:38 | 2 406

Azərbaycan Tibb Universiteti (ATU) əməkdaşlarının əmək haqları artırılıb. ATU-nun mətbuat xidmətindən SİA-ya verilən məlumata görə, universitetin rektoru, akademik Əhliman Əmiraslanovun təşəbbüsü ilə əməkdaşların əmək haqqının artımı haqqında qərar qəbul olunub.

Rektorun əmrinə əsasən, professor-müəllim heyətinin maddi rifah halını yaxşılaşdırmaq, elmi-pedaqoji fəaliyyətini stimullaşdırmaq məqsədilə ATUəməkdaşlarının aylıq əmək haqqı orta hesabla 30 %-dən çox artırılıb. Əmrin oktyabr ayından qüvvəyə minəcəyi, ayrı-ayrı sahələrdə çalışan əməkdaşların hamısına şamil olunacağı qeyd edilib.

Qeyd olunub ki, bu ilin əvvəlində də Tibb Universiteti işçilərinin aylıq vəzifə maaşlarının orta hesabla 25% yüksəldilməsi haqqında qərar verilib.

WhatsApp-da Səs Media Qrupu kanalını izləyin