Dağlıq Qarabağda girov saxlanılan 15 yaşlı azərbaycanlı geri qaytarılıb. Beynəlxalq Qızıl Xaç Komitəsinin (BQXK) Azərbaycan nümayəndəliyindən SİA-ya verilən məlumata görə, Azərbaycan vətəndaşı bu gün BQXK himayəsi altında keçirilən əməliyyat zamanı Azərbaycan hökumətinə təhvil verilib. Təhvilvermə Azərbaycanın Ağdam rayonunun Baş Qərvənd kəndi yaxınlığında baş tutub.
Repatriasiyadan əvvəl BQXK-nın nümayəndələri bu şəxsə saxlanma şəraitini və onunla necə davranıldığını qiymətləndirmək üçün baş çəkərkən, saxlanılan şəxs öz geri dönmək arzusunu bildirib. Təşkilatın nümayəndələri həmçinin onun ailə üzvləri ilə də əlaqə saxlayıblar
Qeyd edək, 15 yaşlı Cavid Məmmədov sentyabrın 5-də Tərtər rayonunun Aşağı Çaylı kəndi istiqamətində erməni əsgərləri tərəfindən girov götürülüb.
Bütün xəbərlər Facebook səhifəmizdə
USD
EUR
GBP
RUB