"Əsrin müqaviləsi" böyük neft sazişinin imzalanmasının 20-ci ildönümü münasibətilə neft-qaz və neft-kimya sahəsində fundamental və tətbiqi tədqiqatlarda aktiv iştirak edən gənc alimlərin fəaliyyətini stimullaşdırmaq vә onlara әlavә yaradıcılıq imkanları yaratmaq məqsədilə müsabiqə elan olunur. AMEA-nın mətbuat xidmətindən SİA-ya verilən xəbərə görə, müsabiqədə akademiyanın elmi müəssisələri tərəfindən irəli sürülən, yaşı 35-dək olan gənc alimlər iştirak edə bilərlər.
Müsabiqədə iştirak edəcək gənc alimlər başa çatdırdıqları elmi tədqiqatlar, əldə etdikləri mühüm elmi nailiyyətlər və onların elmi-praktiki əhəmiyyəti haqqında dolğun məlumatı müəyyən edilmiş formaya uyğun olaraq elektron variantı ilə birlikdə sentyabrın 15-dək AMEA Rəyasət Heyəti Mərkəzi aparatının Elmi-təşkilat idarəsinə təqdim etməlidirlər.
Qeyd edək ki, müsabiqə Azərbaycan Respublikası Dövlət Neft Şirkətinin Elm Fondunun maliyyə dəstəyi ilə həyata keçirilir.
Bütün xəbərlər Facebook səhifəmizdə
USD
EUR
GBP
RUB