Ekologiya və Təbii Sərvətlər Nazirliyinə Binəqədi rayonu, 6-cı mikrorayon ərazisində ağacların yandırılması barədə daxil olan şikayət dərhal nazirliyin əməkdaşları tərəfindən yerində araşdırılıb. Nazirliyin mətbuat xidmətindən SİA-ya verilən məlumata görə, əraziyə baxış zamanı sözügedən ünvanda 5 ədəd Eldar şamı və 4 ədəd iydə ağacının naməlum şəxslər tərəfindən yandırılması faktı aşkar olunub. Qeyd olunanlarla əlaqədar təqsirkarların müəyyən olunması üçün Binəqədi rayon Polis İdarəsinə müraciət edilib.
Eyni zamanda ərazidəki ağaclara aqrotexniki qulluq göstərilməsi üçün Bakı şəhər Yaşıllaşdırma Təsərrüfatı Birliyinə icrası məcburi olan göstəriş verilib. Hazırda sözügedən yaşıllıq ərazi nazirliyin aidiyyəti qurumunun əməkdaşları tərəfindən nəzarətə götürülüb.
Bütün xəbərlər Facebook səhifəmizdə
USD
EUR
GBP
RUB