Yeni tədris ilinin başlaması ilə əlaqədar "Azərbaycan Dəmir Yolları" QSC yerli istiqamətlərdə işləyən bütün qatarlara əlavə vaqonlar qoşacaq. Bu barədə SİA-ya QSC-nin mətbuat xidmətinin rəhbəri Nadir Əzməmmədov məlumat verib.
Onun sözlərinə görə, əlavə vaqonlar Azərbaycanda yeni tədris ilinin başlaması və yay məzuniyyəti dövrünün başa çatması ilə əlaqədar sərnişin axınının artması səbəbindən bütün daxili xətlərdə hərəkət edən qatarlara qoşulacaq: "Bu il təhsil müəssisələrində dərslər sentyabrın 15-dən başlayır və hazırda bu tarixə hazırlıq gedir".
N. Əzməmmədov qeyd edib ki, əlavə vaqonlar dərs ilinin başlamasına yaxın regionlardan Bakıya və əks istiqamətdə hərəkət edən qatarlara qoşulacaq: "Ölkə regionlarında da ali məktəblər var ki, bu da əks istiqamətdə reyslər üzrə qatarlara əlavə vaqonların qoşulmasını zəruri edir".
Bütün xəbərlər Facebook səhifəmizdə
USD
EUR
GBP
RUB