Qafqazda analoqu olmayan və inşasına 2012-ci ildən başlanılan kəsim kompleksi bu il istifadəyə veriləcək. SİA-nın bölgə müxbirinin verdiyi məlumata görə, burada 48 çeşiddə ət məhsulları, 14 çeşiddə isə quş əti məhsulları istehsal ediləcək. Ərazidə ətin keyfiyyətini yoxlamaq üçün laboratoriyalar da fəaliyyət göstərəcək. Sexə daxil olan heyvanlar yoxlanıldıqdan sonra kəsimə göndəriləcək. Ət məhsullarının saxlanılması və rezervasiyası üçün soyuducu kameralar da inşa edilib. Əsas tikinti işləri 3.5 hektar ərazini əhatə etsədə kompleksin ümumi sahəsi 6 hektardır.
"Burada iri və xırda buynuzlu mal-qaranın kəsimi həyata keçiriləcək. Gün ərzində orta hesabla 600 baş xırda, 15 baş iri buynuzlu mal-qara, 2500 baş quş kəsilərərək qablaşdırılıb emal ediləcək. Bu müəssisəsinin əsas fərqi həm də ondan ibarətdir ki, bu müəssisənin tullantı anlayışı yoxdur. Ekoloji cəhətdən bütün tullantılar emal olunaraq yenidən istefadəyə yararlı vəziyyətə gətiriləcək"- deyə, kəsim kompleksinin əlaqələr üzrə meneceri Səbuhi Cahangirov bildirib.
Qeyd edək ki müəssisəyə avadanlıqların əsas hissəsi Almaniya, Belçika, Avstriya və İsveçrə ölkələrindən gətirilib. Müəyyən texnikalar isə Türkiyədən gətirilib. Hazırda bu avadanlıqlarla işləyə biləcək mütəxəssislərin hazırlığı aparılır. Gələcəkdə kəsim kompleksində emal olunan məhsullar Gəncə-Qazax iqtisadi zonasında, bütün ölkə bazarlarına çıxarılacaq. Bu irimiqyaslı layihə İqtisadi İnkişaf Nazirliyin Sahibkarlığa Kömək Milli Fondu tərəfindən ayrılan güzəştli kredit hesabına həyata keçirilir.
.jpg)
İlham Məmmədzadə, Gəncə
USD
EUR
GBP
RUB