Bərdə rayonunun Həsənqaya və Gərənə bələdiyyələrinin ərazisində məcburi köçkünlər üçün 588 ailəlik yeni məhəllə inşa edilir. Tikintisi üçün 12,5 hektar ərazi ayrılan yeni yaşayış məhəlləsində hər biri 7 mərtəbəli olmaqla, 14 ədəd yaşayış binası, 640 şagird yerlik məktəb, 140 yerlik uşaq bağçası, avtomat telefon stansiyası, qazanxana binası inşa ediləcəkdir.
Yaşayış binalarındakı mənzillərin 98-i bir, 196-sı iki, 196-sı üç, 98-i dördotaqlı olacaq. Burada, həmçinin yaşıllıqlar salınacaq, avtomobil parkları, su təchizatı obyektləri – 2 ədəd 500 kubmetrlik içməli, 2 ədəd 100 kubmetrlik yanğın su anbarları, hovuz, sutəmizləyici qurğu, 1 kanalizasiya nasosu, 2 nasos stansiyası tikiləcəkdir.
Hazırda inşaat işləri ilə 12 şirkət məşğul olur. Tikintidə 30-dan artıq texnika, 500-dən çox işçi çalışır. Artıq binaların 3-də monolit dəmir-beton (karkas) işləri başa çatdırılıb, hörgü işləri aparılır. Digər binalarda da monolit dəmir-beton işləri davam etdirilir.
Yaşayış məhəlləsində tikinti işlərinin gələn il başa çatdırılması nəzərdə tutulur.
Bütün xəbərlər Facebook səhifəmizdə
USD
EUR
GBP
RUB