Bakı Beynəlxalq Avtovağzal Kompleksi Ramazan bayramı ilə əlaqədar iyulun 25-dən 30-dək gücləndirilmiş iş rejimində fəaliyyət göstərəcək. Avtovağzal Kompleksindən SİA-ya verilən məlumata görə, bu, bayram günlərində sərnişindaşımada intensivliyin artması ilə bağlıdır. Yay mövsümündə hər gün 10-11 min sərnişin daşınırdısa, bayram vaxtı bu rəqəmin 15 minə çatacağı gözlənilir. Buna görə də marşrutlara buraxılan avtobusların sayı artırılacaq.
Belə ki, adi günlərdə xəttə 400-450 avtobus buraxılırdı. Bayram günlərində isə onların sayı 550-600-ə çatdırılacaq. Avtovağzalda qiymət intizamına nəzarət komissiyası yaradılıb. Sərnişinlər biletlərin qiymətinin qanunsuz artırılması halları ilə qarşılaşarlarsa, dispetçer məntəqəsinə müraciət edə bilərlər.
Bütün xəbərlər Facebook səhifəmizdə
USD
EUR
GBP
RUB