22 iyul - Milli Mətbuat Günü münasibəti ilə Qaradağ Rayon İcra Hakimiyyətinin akt zalında respublikanın qabaqcıl və tanınmış kütləvi informasiya vasitələri nümayəndələri ilə görüş keçirilib.
SİA-nın xəbərinə görə, tədbiri giriş sözü ilə açan Qaradağ Rayon İcra Hakimiyyəti başçısının müavini Təranə İsmayılova bütün mətbuat nümayəndələrini 22 iyul - Milli Mətbuat günü münasibəti ilə Qaradağ Rayon İcra Hakimiyyətinin başçısı Süleyman Mikayılovun adından ürəkdən təbrik edib. Qeyd edib ki, Azərbaycan milli mətbuatı özünəməxsus ənənələr yaratmış və şanlı jurnalistlər nəsli yetişdirib. Mətbuatımızın yaradıcısı Həsən bəy Zərdabidən başlayaraq, günümüzə qədər böyük söz ustadları milli təfəkkürün inkişafı üçün misilsiz xidmətlər göstərmiş və öz qələmləri ilə xalqımızın maariflənməsinə böyük töhfələr veriblər.
Azərbaycanda demokratik mətbuatın formalaşmasında, azad fikrin ifadəsi yolunda Ulu Öndər Heydər Əliyevin həyata keçirdiyi islahatların əvəzsiz olub. Ümummilli Lider Heydər Əliyev demokratik dövlət quruculuğu prosesində kütləvi informasiya vasitələrinin rolunu daim yüksək qiymətləndirib, Azərbaycanda senzuranın ləğvi və bir sıra digər tədbirlərlə mətbuatın inkişafına böyük dəstək verib. Çox əlamətdar və xoş haldır ki, mətbuatımızın inkişafına, jurnalistlərin sosial müdafiəsinin gücləndirilməsinə yönəlmiş siyasət bu gün möhtərəm Prezidentimiz İlham Əliyev tərəfindən ardıcıl surətdə və daha geniş miqyasda davam etdirilir. Dövlət başçımızın sərəncamına əsasən KİV işçiləri üçün inşa edilmiş yaşayış binası bunun bariz nümunəsidir.
Mətbuat işçiləri adından çıxış edən Nahid Canbaxışlı dövlət başçısı İlham Əliyev və rayon rəhbərliyinə göstərilən diqqətə görə minnətdarlığını bildirib.
Sonda mətbuat nümayəndələrinə mükafatlar təqdim olunub.
Bütün xəbərlər Facebook səhifəmizdə
USD
EUR
GBP
RUB