Fransa mətbuatı Bakıda keçiriləcək birinci Avropa Oyunları ilə bağlı Kannda keçirilən yürüşdən yazdı FOTO
Fransanın gündəlik "Nice-Matin" qəzetinin 12 iyul tarixli nömrəsində 2015-ci ildə Bakıda keçiriləcək birinci Avropa Oyunlarının təqdimatı ilə əlaqədar iyulun 11-də Kannda Heydər Əliyev Fondunun dəstəyi və təşəbbüsü ilə təşkil olunan yürüşdən bəhs edən "Bakı Kruazettdə" sərlövhəli məqalə dərc edilib.
SİA-nın xəbərinə görə, məqalədə "Bakı-2015" birinci Avropa Oyunlarına həsr olunan tədbirin ilk dəfə Kannda baş tutduğu, gələn il Azərbaycanda keçiriləcək Avropa Oyunları ilə bağlı Kruazettdə 5 kilometrlik məsafədə yürüş təşkil olunduğu bildirilir.
Yürüşdə 100-dən artıq həvəskarın iştirak etdiyi vurğulanan məqalədə qaliblərin də fikirlərinə yer verilir.
Yazıda gələn il iyunun 12-dən 28-dək davam edəcək Avropa Oyunlarında idmanın müxtəlif növləri üzrə yarışların keçiriləcəyi diqqətə çatdırılır.
Bütün xəbərlər Facebook səhifəmizdə
USD
EUR
GBP
RUB