Sabah Gənclər və İdman nazirliyinin dəstəyi ilə Azərbaycan Tələbə Gənclər Təşkilatları İttifaqının (ATGTİ) ev sahibliyi edəcəyi Avropa Tələbələr Birliyinin (ATB) idarə heyətinin 67-ci iclası ilə bağlı mətbuat konfransı baş tutacaq. SİA-nın məlumatına görə, Avropa Tələbələr Birliyi (ATB) 1956-cı ildən mövcuddur. Avropada ən böyük tələbə birliyi olan ATB, hal-hazırda 39 ölkədən 47 tələbə təşkilatını özündə birləşdirir. Azərbaycan ATB-də 2009-cu ildən Azərbaycan Tələbələr Birliyi, 2012-ci ildən isə Azərbaycan Tələbə Gənclər Təşkilatları İttifaqı (ATGTİ) tərəfindən təmsil olunur.
2013-cü il aprelində Macarıstanın paytaxtı Budapeştdə keçirilmiş ATB-nin 64-cü idarə heyəti iclasında təsdiqlənmiş qərara əsasən qurumun sayca 67-ci iclası Azərbaycanın paytaxtı Bakı şəhərində, ATGTİ-nin təşkilatçılığı ilə keçiriləcək.
İdarə heyətinin iclaslarının keçirilməsinin əsas məqsədi, ATB-yə tamhüquqlu üzv olan təşkilatların təmsil etdikləri ölkələrdə təhsil sahəsində gedən proseslər haqqında məlumatlandırmaq və təcrübə mübadiləsi aparmaqdır.
Qeyd edək ki, ildə bir dəfə olmaqla ATB-nin icra aparatının seçkiləri keçirilir. 2015-ci ilin aprelində ATGTİ ATB-nin icra aparatına öz namizədliyini verəcək. Bununla ölkəmizin təhsil sahəsində reallaşdırılan uzunmüddətli layihələr ATB tərəfindən də maliyyələşdiriləcək.
Bütün xəbərlər Facebook səhifəmizdə
USD
EUR
GBP
RUB