Fövqəladə Hallar Nazirliyinin (FHN) Aran Regional Mərkəzi Goranboy Rayon Mərkəzi Xəstəxanasında səhiyyə işçilərinin iştirakı ilə "Fövqəladə hallar zamanı nə etməli?" və "Səhiyyə işçilərinin mülki müdafiə hazırlığının təşkil olunması" mövzularında növbəti maarifləndirmə tədbiri keçirmişdir.
FHN-dən bildirmişlər ki, tədbirin keçirilməsində əsas məqsəd tibbi personalın baş verə biləcək fövqəladə hallara hazırlığı, fövqəladə hallar zamanı davranış qaydalarına əməl etmə vərdişlərinin aşılanması olmuşdur.
Goranboy Rayon İcra Hakimiyyətinin, Aran Regional Mərkəzinin nümayəndələri tədbirin məqsədi və əhəmiyyəti, qurumun yaranması və fəaliyyət istiqamətləri, maddi-texniki bazası haqqında ətraflı məlumat vermişlər.
Sonra mərkəz əməkdaşlarının "Səhiyyə işçilərinin mülki müdafiə hazırlığının təşkil olunması", "Fövqəladə hallar zamanı nə etməli?" və "112" zəng xidmətinə edilən anonim və qeyri-ciddi zənglərin qarşısının alınması" mövzularında məruzələri dinlənilmişdir.
Sonda Fövqəladə Hallar Nazirliyinin strukturu və fəaliyyət istiqamətləri haqqında yeni formatda hazırlanmış videoçarx nümayiş olunmuş, tədbir iştirakçılarını maraqlandıran suallar ətraflı cavablandırılmışdır.
Bütün xəbərlər Facebook səhifəmizdə
USD
EUR
GBP
RUB