23-26 iyunda Rusiya Federasiyasının Soçi şəhərində Standartlaşdırma, Metrologiya və Sertifikatlaşdırma üzrə Dövlətlərarası Şuranın (DŞ) növbəti 45-ci iclası keçiriləcək. Tədbirdə ölkəmizi Azərbaycanın Standartlaşdırma, Metrologiya və Patent üzrə Dövlət Komitəsinin sədri Ramiz Həsənovun başçılıq etdiyi nümayəndə heyəti təmsil edəcək.
Qurumun mətbuat xidmətindən SİA-ya verilən xəbərə görə, iclasda Şuraya üzv dövlətlərin texniki tənzimləmə, standartlaşdırma, metrologiya, sertifikatlaşdırma və akkreditasiya sahələrində həyata keçirdikləri işlər, elmi-texniki komissiyanın işçi qrupunun iş planı barədə Şuranın qərarları, elmi-texniki komissiyanın və Şuranın işçi qruplarının müntəzəm görüşlərinin yekunları, 2020-ci ilədək Şuranın inkişaf strategiyasının həyata keçirilməsi üçün fəaliyyət planının icra edilməsi, MDB-nin Elektrotexniki Şurası ilə əməkdaşlıq sazişinin layihəsi, akkreditasiya üzrə regional orqanların yaradılması üzrə Şuranın işçi qrupunun tərkibi, iş proqramı və digər məsələlərin müzakirəsi nəzərdə tutulub.
Bütün xəbərlər Facebook səhifəmizdə
USD
EUR
GBP
RUB