1, 23, 30 aprel, 20 may və 13 iyun tarixlərində Prezident yanında Dövlət Qulluğu Məsələləri üzrə Komissiya 89 dövlət orqanında inzibati vəzifələrin beşinci- yeddinci təsnifatlarına uyğun olan 941 vakant dövlət qulluğu vəzifəsinin tutulması üçün müsabiqə elan edib. Qurumun mətbuat xidmətindən SİA-ya verilən xəbərə görə, 1, 23 və 30 aprel tarixlərdə elan edilən müsabiqələr üzrə artıq qeydiyyat başa çatıb, 20 may və 13 iyun tarixlərdə elan edilən müsabiqələr üzrə isə qeydiyyat müvafiq olaraq 18 iyun və 14 iyul tarixlərə kimi davam edəcək.
Müsabiqələrdə iştirak etmək üçün Komissiyada indiyə kimi 6362 namizəd qeydə alınıb. 17 iyunadək 4132 namizədlə müsabiqənin test imtahanı mərhələsi keçirilib. Onlardan 1302 nəfəri imtahanda iştirak etməyib. Test imtahanı mərhələsində iştirak edən 2830 namizəddən 913-ü qanunvericiliyə müvafiq olaraq müsabiqənin ilk mərhələsini uğurla başa vurub. Test mərhələsini uğurla başa vuran namizədlərdən
- 338 nəfəri 5-ci təsnifat inzibati vəzifələr üzrə keçid balını toplayıb;
- 357 nəfəri 6 və ya 7-ci təsnifat inzibati vəzifələr üzrə keçid balını toplayıb;
- 218 nəfəri 5-ci təsnifat inzibati vəzifələrə iddia etsə də bu vəzifələr üzrə keçid balını toplamayıb, lakin 6 və ya 7-ci təsnifat inzibati vəzifələr üzrə keçid balını toplayıb.
Hər bir namizədə test imtahanını bitirdiyi an nəticələri əks etdirən arayış təqdim edilib, eyni zamanda nəticələr Komissiyanın rəsmi internet saytında da yerləşdirilib. Müsabiqənin test imtahanı mərhələsi 21 dövlət orqanı üzrə başa çatıb.
Bütün xəbərlər Facebook səhifəmizdə
USD
EUR
GBP
RUB