"Azərbaycanda banklar sosial yardım kartlarının dəyişdirilməsinə maraq göstərmirlər. Bu səbəbdən sosial yardımların verildiyi sosial kartların dəyişdirilməsi üzrə tenderin vaxtı dəyişdirildi. Komissiyadan mənə verilən məlumata görə, təəssüf ki, "Kapital Bank"dan başqa heç bir bank tenderdə iştirak üçün ərizə verməyib". SİA-nın xəbərinə görə, bunu jurnalistlərə açıqlamasında əmək və əhalinin sosial müdafiəsi naziri Səlim Müslümov deyib.
Nazir sözlərinə görə, yaxın vaxtlarda bu məsələ həll ediləcək: "Həmçinin qeyd edim ki, kartların dəyişdirilməsi istənilən halda, bankların marağının səviyyəsindən və maraq göstərən bankların sayından asılı olmayaraq həyata keçiriləcək".
Qeyd edək ki, hazırda ünvanlı sosial yardım (ÜSY) alanlar üçün plastik kartlar Azərbaycan Beynəlxalq Bankı (ABB) və "Kapital Bank" tərəfindən buraxılır. Onlar həmçinin pensiya kartları buraxırlar. Bütün banklar ünvanlı sosial yardım alanlar üçün plastik kartların yenilənməsi üçün yeni tenderdə iştirak etməyə buraxılır. Ünvanlı sosial yardım alanlar üçün plastik kartların yenilənməsinə dair qərar ÜSY-nin təyin olunması və ödənişi ilə bağlı mənfi halların aradan qaldırılması və bu sahədə şəffaflığın artırılması məqsədi ilə qəbul edilib.
Bütün xəbərlər Facebook səhifəmizdə
USD
EUR
GBP
RUB