Ədliyyə Nazirliyi Penitensiar Xidmətinin əməliyyat aparatının əməkdaşları tərəfindən həyata keçirilmiş axtarış-baxış tədbirləri məhkumlardan qadağan olunan əşyalar götürülüb.
Penitensiar Xidmətin ictimaiyyətlə əlaqələr şöbəsindən SİA-ya verilən məlumata görə, 2 saylı İstintaq Təcridxanasında saxlanılan, Cinayət Məcəlləsinin 234.1 maddəsinə əsasən həbs edilmiş şəxs Emin Şahin oğlu Əsgərovun üzərinə və kamerasına baxış keçirilən zaman əynində olan şalvarın cibindən 1 ədəd "Nokia" markalı mobil telefon aparatı aşkar edilərək götürülüb.
Penitensiar Xidmətin əməliyyat aparatının əməkdaşları tərəfindən həyata keçirilmiş digər axtarış-baxış tədbirləri nəticəsində 3 saylı İstintaq Təcridxanasında saxlanılan, Cinayət Məcəlləsinin 126.1 maddəsinə əsasən həbs edilmiş şəxs Samir Zahid oğlu Musayevin üzərinə və kamerasına baxış keçirilən zaman ayaqqabısının içindən 1 ədəd "Nokia" markalı mobil telefon aparatı və 1 ədəd "Cin" danışıq kartı aşkar edilib.
Faktlar üzrə araşdırma aparılır.
Bütün xəbərlər Facebook səhifəmizdə
USD
EUR
GBP
RUB