Bu gün saat 11:00-da Bakı Dairəvi avtomobil yolunun Bakı Beynəlxalq Avtovağzal Kompleksi ərazisinə yaxın hissədən şəhər istiqamətinə dönən yol ötürücüsünə qədər (Maşın bazarı adlanan ərazinin yanındakı körpü) hissə bağlanacaq.
Bu barədə SİA-ya Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyev məlumat verib.
O bildirib ki, birinci mərhələdə gediş hissə bağlanacaq və yolun hərəkət hissəsinin üfüqi nişanlanması işləri görüləcək: "Daha sonra isə bu bağlanan gediş hissə açılaraq, yolun gəliş hissəsi, yəni Bakı Beynəlxalq Avtovağzal Kompleksi istiqamətinə doğru yolun hərəkət hissəsində hərəkət məhdudlaşdırılaraq xətlənmə işləri görüləcək".
P. Mürsəliyev onu da bildirib ki, bu axşam 22:00-da Yusif Səfərov küçəsinin şəhər istiqamətinə gedən hissəsi də bağlanacaq. Yol xətləndikdən sonra açılacaq və şəhərdən Heydər Əliyev prospekti istiqamətində də xətlənmə işləri ilə əlaqədar yol tam məhdudlaşdırılacaq.
Bütün xəbərlər Facebook səhifəmizdə
USD
EUR
GBP
RUB