Azərbaycan Milli Elmlər Akademiyasının Tarix İnstitutunda növbəti Elmi Şura keçirilib. SİA-nın xəbərinə görə, institutun direktoru Yaqub Mahmudovun sədrliyi ilə keçirilən şurada 2014-cü il aprelin 4-dən 25-dək olan müddət ərzində keçirilən elmi işçilərin attestasiyasının nəticələri ilə bağlı məsələ müzakirə olunub.
Şurada Nazirlər Kabinetinin 2013-cü il 16 iyul tarixli 181 saylı "Azərbaycan Respublikasında elmi işçilərin attestasiyasının keçirilməsi Qaydaları"na əsaslanaraq AMEA Rəyasət Heyətinin qəbul etdiyi 2013-cü il 25 dekabr tarixli 25/4 saylı qərara uyğun olaraq AMEA Tarix İnstitutunda çalışan elmi işçilərin attestasiyası keçirilib.
Elmi Şuranın sədri AMEA-nın müxbir üzvü Yaqub Mahmudov çıxış edərək gənclərə üstünlük verilməsinə baxmayaraq, uzun illərdən bəri Tarix İnstitutuna gənc mütəxəssislərin işlə təmin olunması üçün lazımınca vakant yerlərin ayrılmamasını qeyd edib.
Tarix institutunun elmi işlər üzrə direktor müavini Cəbi Bəhramov Tarix İnstitutunda keçirilən attestasiyanın nəticələri ilə Elmi Şura üzvülərini tanış ediib. Məlum olub ki, institutun əməkdaşları fəaliyyət göstərdikləri son 5 ildəki elmi nəticələr nəzərə alınaraq müvafiq olaraq baş elmi işçi, aparıcı elmi işçi, elmi işçi və kiçik elmi işçi vəzifələrinə uyğun görülüblər. Bəzi əməkdaşlara isə tutduğu vəzifələrdə saxlanılmaqla öz elmi tədqiqat işlərinin səmərəsini artırmaq üçün bir il vaxt verilib. Fərdi plan əsasında elmi tədqiqat işlərini yerinə yetirməyən və müntəzəm olaraq işə davam etməyən bəzi əməkdaşlar isə tutduqları vəzifələrdən azad ediliblər.
Elmi Şura üzvülərinin yekdilliklə səsverməsi ilə attestasiyanın nəticələri təsdiq olunub.
Bütün xəbərlər Facebook səhifəmizdə
USD
EUR
GBP
RUB