Bu günlərdə Litva Respublikasının Dövlət Qulluğu İdarəsinin təşkilatçılığı ilə Avropa İttifaqının Şərq Tərəfdaşlığı ölkələri üçün Litva Respublikasının paytaxtı Vilnus şəhərində "Dövlət idarəçiliyi sahəsində fəaliyyət göstərən qurumlarda dövlət qulluğuna qəbul, təlim sistemi və informasiya texnologiyaları sistemi" mövzusunda beynəlxalq seminar keçirilib. SİA-nın verdiyi məlumata görə, seminarda Azərbaycan Respublikasının Prezidenti yanında Dövlət Qulluğu Məsələləri üzrə Komissiyanın, Azərbaycan Respublikası Dövlət Sosial Müdafiə Fondunun, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin, Azərbaycan Diplomatik Akademiyasının, Satınalmalar üzrə Dövlət Agentliyinin əməkdaşları iştirak ediblər.
Azərbaycan Respublikasının Dövlər Sosial Müdafiə Fondunu həmin tədbirdə Aparatın Kadr və kadr hazırlığı şöbəsinin müdir müavini Nigar Vahabzadə təmsil edib.
Tədbirə Azərbaycanla yanaşı, Ukrayna, Moldova, Belarus, Gürcüstan, Estoniya və digər ölkələrin nümayəndələri də qatılıblar. Seminarda "Litvanın dövlət qulluğu sistemi haqqında ümumi məlumat", "Litvanın dövlət qulluğuna qəbul üzrə yeni sistemi", "Dövlət qulluqçularının qəbulu üzrə İT sistemi", "Qurumlarda kadrların idarə olunması üzrə İT sisteminin üstünlükləri və dövlət qulluqçuları üçün İT sistemi" mövzularında təqdimatlar edilib.
Bütün xəbərlər Facebook səhifəmizdə
USD
EUR
GBP
RUB