Novruz bayramı günlərində Azərbaycanda gözlənilən ilkin hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan SİA-ya verilən məlumata görə, martın 17-dək Azərbaycanda havanın temperaturunun gündən-günə yüksələcəyi, arabir güclənən cənub küləyinin üstünlüyü gözlənilir. Martın 16-da və 17-də gündüz saatlarında cənub küləyi əsəcək.
Proqnoza əsasən martın 17-dən 18-nə keçən gecə və martın 18-də səhər saatlarında şimal küləyinin güclənəcəyi ehtimalı var: "Temperaturun qısa müddətə enəcəyi gözlənilir. Ayın 18-də Bakıda və Abşeron yarımadasında havanın temperaturunun günorta saatlarında 10-12 dərəcə isti olacağı, martın 18-də günün ikinci yarısında şimal küləyinin arabir güclənən cənub küləyi ilə əvəz olunacağı gözələnilir. Martın 19-dan ölkə ərazisində havanın temperaturunun yenidən yüksələcəyi ehtimal edilir. Martın 19-da gecə və səhər saatlarında şimal küləyinin sürəti bir qədər artacaq".
Ölkə ərazisində martın 23-dək hava şərtaitinin mülayim olacağı gözlənilir.
Bütün xəbərlər Facebook səhifəmizdə
USD
EUR
GBP
RUB