Ekologiya və Təbii Sərvətlər Nazirliyinin Hidrometeoroloji Proqnozlar Bürosu mart ayının ilk üç gününün hava proqnozunu açıqlayıb. SİA-ya açıqlamasında büronun baş hidroloqu Asif Verdiyev bildirib ki, mart ayının 1-i gündüz saatlarından başlayaraq ölkə ərazisində yağıntılar tədricən kəsiləcək.
Onun sözlərinə görə, bölgələrdə martın 2-də və 3-də əsasən yağmursuz hava şəraiti müşahidə olunacaq: "Temperatur rejimi ötən günlərlə müqayisədə nisbətən yüksələcək. Bakıda və Abşeron yarımadasında martın 1-i gündüz saatlarından başlayaraq yağıntı tədricən kəsiləcək. Martın 2-də və 3-də əsasən yağmursuz hava şəraiti müşahidə olunacağı, dəyişkən buludlu olacağı, arabir tutulacağı gözlənilir. Cənub küləyi üstünlük təşkil edəcək. Havanın temperaturu günorta saatlarında Bakıda və Abşeron yarımadasında 7-11 dərəcə isti, Aran rayonlarında 8-13 dərəcə isti, dağlıq rayonlarda isə 2-7 dərəcə isti olacaq".
Qurum rəsmisi deyib ki, mart ayının 2-dən başlayaraq mülayim və yağmursuz hava şəraiti müşahidə olunacaq: "Temperatur rejimi ayın 2-dən və 3-dən sonra yüksəlməyə doğru gedəcək".
Bütün xəbərlər Facebook səhifəmizdə
USD
EUR
GBP
RUB