"Sabahdan etibarən "ASAN xidmət" mərkəzlərində mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların (kupça) verilməsinə başlanacaq". SİA-nın xəbərinə görə, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov jurnalistlərə açıqlamasında deyib ki, artıq sabahdan etibarən vətəndaşlar "kupça"ları həm "ASAN Xidmət" mərkəzlərindən, həm də Əmlak Məsələləri Dövlət Komitəsinin ənənəvi mərkəzlərindən əldə edə biləcəklər.
Onun sözlərinə görə, "ASAN Xidmət" mərkəzlərində bütün xidmətlər aidiyyatı dövlət qurumu tərəfindən göstərilir: "Prezident İlham Əliyevin 11 fevral tarixli fərmanına əsasən, artıq qurumlar siyahısına Səfərbərlik və Hərbi Xidmətə Çağırış üzrə Dövlət Xidməti və Əmlak Məsələləri Dövlət Komitəsi daxil edilib. Əmlak Məsələləri Dövlət Komitəsi də "ASAN Xidmət" mərkəzlərində vətəndaşlara göstərdiyi xidmətlərə yeniləri əlavə olunub. Bu xidmətlər siyahısına mənzillərin ilkin çıxarışının verilməsi, o cümlədən fərdi yaşayış evlərinə təkrar xidmətin verilməsi daxil edilib. Əmlak Məsələləri Dövlət Komitəsi bu xidməti sabahdan etibarən bunlar "ASAN Xidmət" mərkəzlərində həyata keçiriləcək. Bununla bağlı bütün texniki işlər də yekunlaşıb və sabahdan etibarən bu prosesə başlanacaq".
Bütün xəbərlər Facebook səhifəmizdə
USD
EUR
GBP
RUB