BMT-nin Nyu-Yorkdakı mənzil-qərargahında dünyada tolerantlığa həsr edilən "Dünyada dinlərarası harmoniya: Sülh və inkişaf üçün zərurət" mövzusunda konfrans keçirilib. Bu barədə SİA-ya Dini Qurumlarla İş Üzrə Dövlət Komitəsinin mətbuat xidmətindən məlumat verilib.
BMT tərəfindən hər il qeyd edilən Ümumdünya Dinlərarası Harmoniya Həftəsi çərçivəsində keçirilən bu konfransda dünyada dinlərarası tolerantlıq sahəsində model dövlətlərdən biri olan Azərbaycanın da mədəniyyətlərarası dialoqun və dini tolerantlığın güclənməsinə yönəlmiş töhfələri də xüsusi qeyd olunub.
BMT-nin Sivilizasiyalar Alyansı üzrə Ali nümayəndəsi cənab Nassir Abdulazizi Əl-Nasser konfransda çıxışı zamanı bildirib ki, Azərbaycan Respublikasının hökuməti tərəfindən yerli və beynəlxalq səviyyələrdə dini tolerantlığın və dialoqun təşviq edilməsinə yönəlmiş tədbirləri regionun və dünyanın bir çox ölkələri üçün örnək ola bilər.
Bu istiqamətdə Azərbaycanla əlaqələrə toxunan Əl-Nassir bildirib: "Azərbaycan Respublikasının Dini Qurumlarla İş üzrə Dövlət Komitəsi ilə BMT-nin Sivilizasiyalar Alyansı arasında sıx tərəfdaşlıq münasibətləri formalaşıb. DQİDK tərəfindən yaradılan Milli Tolerantlıq Mərkəzi Azərbaycandakı müsəlman, pravoslav, katolik, xristian, yəhudi və protestant dini icmalarının nümayəndələri, həmçinin dini liderlər arasında birbaşa dialoqun təşviqi və dinlərarası tolerantlıq üzrə təlim və seminarların keçirilməsi üçün nəzərdə tutulub. BMT-nin Sivilizasiyalar Alyansının nümayəndələri tezliklə Mərkəzi ziyarət etməyi planlaşdırır".
Bütün xəbərlər Facebook səhifəmizdə
USD
EUR
GBP
RUB