"Artıq elektron xidmətlərin çərçivəsi genişləndirilib. Belə ki, bundan sonra inzibati cərimələrin ödənilməsi "ASAN ödəniş" xidməti ilə həyata keçiriləcək". SİA-nın xəbərinə görə, bunu jurnalistlərə açıqlamasında Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov deyib.
Onun sözlərinə görə, əsas məqsəd inzibati cərimələr barədə vətəndaşların məlumatlandırılmasıdır: "Digər tərəfdən isə inzibati cərimələrin elektron vasitələrlə, eləcə də mobil telefonlarla ödənilməsi həyata keçiriləcək. Eyni zamanda, ictimaiyyətin daha çox olduğu yerlərdə, o cümlədən sürücülərin ən çox müraciət etdiyi yanacaq doldurma məntəqələrində və digər müəssisələrdə xüsusi terminallar quraşdırılacaq. Bununla da vətəndaşlar inzibati cərimələri həmin terminalların vasitəsi ilə ödəyə biləcəklər.
Bütün xəbərlər Facebook səhifəmizdə
USD
EUR
GBP
RUB