"Sumqayıtın sosial infrastukturu çox zəifdir, sovet vaxtı tikilib və bu günün təlabatına cavab vermir. Sosial infrastruktur mütləq dövlət proqramlarında əks olunmalıdır". SİA-nın məlumatına görə, bu təkliflə millət vəkili Muxtar Babayev parlamentin bugünkü iclasında çıxış edib.
Onun sözlərinə görə, Sumqayıtın yataqxana problemi də var: "Keçmiş sovet ittifaqı vaxtında müvəqqəti yaşayış üçün tikilmiş yataqxanalarda indi 25-30 min nəfər yaşayır. Bu isə Sumqayıtın ümumi əhalisinin 8-10 faizidir. Həmin yataqxanalarda əsaslı təmir işləri aparmalıdır. Sumqayıt şəhəri özünü dolandırmaq sxemləri ilə yanaşı yataqxanaların təmirini öz üzərinə götürə bilməyəcək. Çünki Sumqayıtın özünün bura maliyyə ayırması mümkünsüzdür. Şəhərə miqrasiya artır. Qeyri-rəsmi məlumata görə bu gün Sumqayıtda 4 yüz mindən artıq adam var. Burada qocalar evinin tikilməsi və istismara verilməsi də vacibdir. Bu, uzun müddətdir gündəmdədir".
Bütün xəbərlər Facebook səhifəmizdə
USD
EUR
GBP
RUB