Azərbaycan Respublikasının Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidməti tərəfindən Bakı şəhəri, Binəqədi rayonu, 7-ci mkr.da yerləşən fiziki şəxs Nəzərov Əbülfəzə məxsus müəssisədə "Fəta 121" nişanlı rafinə edilmiş qənd istehsalına dövlət nəzarəti aparılıb. Komitədən SİA-ya verilən məlumata görə, araşdırma zamanı müəyyən olunub ki, müəssisədə uyğunluq sertifikatı olmadan sanitariya norma və qaydalara məhəl qoyulmadan 2 adda məhsul - karamel tipli şərq şirniyyatı (noğul) və nanəli karamel istehsal edilir. Eyni zamanda istehsal olunan "Avko" nişanlı karamel tipli şərq şirniyyatı - noğul məhsullarının üzərində istehsalçı kimi başqa bir müəssisənin (Xaçmaz şəhəri, fiziki şəxs Əliyev E.Ş) qeyd edildiyi müəyyən edilib. Nəzarət tədbirləri nəticəsində məhsulların müvafiq qaydada təsdiq edilən texnoloji təlimatının və resepturaların, habelə müəssisənin laboratoriyasının və ya akkreditasiya olunan laboratoriya ilə müqavilənin olmadığı aşkar olunub.
Müəyyən olunan bu və digər nöqsanlarla bağlı olaraq, Azərbaycan Respublikası İnzibati Xətalar Məcəlləsinin tələblərinə əsasən inzibati protokol tərtib edilən, sertifikatsız məhsulların istehsalı və satışı qadağan edilib.
Bütün xəbərlər Facebook səhifəmizdə
USD
EUR
GBP
RUB