Cari ilin 9 ayında Dövlət Sosial Müdafiə Fondu (DSMF) tərəfindən əhaliyə təqdim olunan elektron xidmətlər əhalinin ən çox müraciət etdiyi xidmətlər sırasında yer alıb. DSMF -dan SİA-ya verilən məlumata görə, "Elektron hökumət" portalının (www.e-gov.az) statistikasına əsasən, bu ilin 9 ayında əhalinin daha çox yararlandığlı elektron xidmətlər sırasına "Pensiya kapitalı barədə məlumat", "Məcburi dövlət sosial sığortasına cəlb olunan gəlirlər və ödənilən məcburi dövlət sosial sığorta haqqı barədə məlumatın əldə edilməsi", "Pensiyaçı tərəfindən məlumatların əldə edilməsi", "Pensiya kalkulyatoru", "Sığortaedənin uçot nömrəsinin öyrənilməsi" adlı xidmətlər daxildir. Hesabat dövründə Fondun "Elektron hökumət" portalına inteqrasiya olunan elektron xidmətlərindən 95 701 nəfər şəxs istifadə edib və hazırda DSMF "Elektron hökumət" proqramının ən fəal iştirakçılarından biridir.
DSMF "Elektron hökumət" portalı ilə yanaşı, Fondun saytı (www.dsmf.gov.az) vasitəsilə də əhaliyə müxtəlif elektron xidmətlər göstərilir. Cari ilin 9 ayında bu xidmətlərdən ən çox istifadə olunanları, "Sığortaedənin DSMF orqanlarında məcburi dövlət sosial sığortası üzrə rüblük (illik) hesabatların elektron formada hazırlanması üçün proqram təminatı" və "Məcburi dövlət sosial sığorta haqqı üzrə sığortaolunan haqqında məlumatın toplanması üçün proqram təminatı" adlı elektron xidmətlər olub. Yuxarıda qeyd olunanlardan əlavə 54 679 nəfərdən çox vətəndaş bilavasitə Fondun saytı vasitəsilə bu xidmətlərdən yararlanıb.
Cari ilin ikinci yarısından etibarən isə Şərqi Avropa və MDB məkanında ilk dəfə olaraq Azərbaycanda vahid mərkəzdən avtomatlaşdırılan pensiya təyinatı tətbiq olunur. Bu elektron xidmət pensiyaçıların ən çox müraciət etdiyi xidmətlərdən biridir və artıq 3 ay ərzində 558 nəfərə bu sistem vasitəsilə pensiya təyinatı aparılıb.
Qeyd edək ki, dövlət orqanlarının elektron xidmətlər göstərilməsinin təşkili məqsədilə həyata keçirilən tədbirlər çərçivəsində DSMF-nin əhaliyə təqdim etdiyi elektron xidmətlərin sayı 21-ə çatdırlıb. İlin sonuna kimi bir sıra yeni xidmətlərin "Elektron hökumət" portalına inteqrasiya olunması nəzərdə tutulur.
Bütün xəbərlər Facebook səhifəmizdə
USD
EUR
GBP
RUB