ATƏT-in fəaliyyətdə olan sədrinin şəxsi nümayəndəsinin mandatına uyğun olaraq Ağdam rayonunun Sarıcalı kəndinin yaxınlığındakı təmas xəttində monitorinq keçirilib. SİA-nın Qarabağ bürosunun verdiyi məlumata görə, monitorinq iştirakçıları ilk öncə Ağdam rayon icra hakimiyyətində olublar. Burda cəbhə xəttində vəziyyət barədə məlumata alıblar. İcra hakimiyyətində davam edən 1 saatlıq görüşdən sonra ATƏT nümayəndələri cəbhə xəttinə yola düşüblər. Qoşunların təmas xəttində 2 saata qədər davam edən monitorinq insidentsiz başa çatıb.
Qeyd edək ki, monitorinqi Azərbaycan tərəfdə ATƏT-in fəaliyyətdə olan sədrinin şəxsi nümayəndəsinin səhra köməkçiləri Xristo Xristov və Piter Svedberq keçirib. Təmas xəttinin qarşı tərəfində isə monitorinqi ATƏT-in fəaliyyətdə olan sədrinin şəxsi nümayəndəsi Anjey Kaspşik, səhra köməkçisi Jiri Aberle, Minsk Qrupunun həmsədri Ceyms Uorlik (ABŞ) və onun köməkçisi Cefri Huls keçirib.
Şamxal Cəliloğlu
Bütün xəbərlər Facebook səhifəmizdə
USD
EUR
GBP
RUB