Son on ildə dövlət gənclər siyasəti sahəsinə ayrılan büdcə 100 dəfə artırılaraq 25 milyon manat təşkil edib. SİA-nın məlumatına görə, bu barədə gənclər və idman naziri Azad Rəhimov nazirliyin bu ilin yanvar-avqust aylarındakı fəaliyyətinə həsr olunan mətbuat konfransında məlumat verib. Nazir bildirib ki, 2003-cü ildə Azərbaycanda gənclər siyasətinin həyata keçirilməsinə 245990 manat ayrılmışdısa, 2012-ci ildə bu rəqəm 25 milyon manat təşkil edib.
Onun sözlərinə görə, cari ilin yanvar-avqust aylarında gənclər siyasəti sahəsində 90-dan artıq tədbir həyata keçirilib ki, onlardan 18-i 30-dan çox ölkədə keçirilən beynəlxalq tədbir olub: "Nazirliyimiz gənclərlə bağlı 4 televiziya layihəsini dəstəkləyir. Bundan əlavə biz düşərgələrlə bağlı layihələri də davam etdiririk. Sözügedən düşərgələrdə 2600-də çox gənc iştirak edib".
Bütün xəbərlər Facebook səhifəmizdə
USD
EUR
GBP
RUB