Azərbaycan Milli Elmlər Akademiyası Fizika İnstitutunun alimləri belarusiyalı həmkarları ilə birgə lazer fizikası istiqamətində tədqiqatlar aparır. AMEA Rəyasət Heyəti Mərkəzi Aparatının İctimaiyyətlə əlaqələr şöbəsindən SİA-ya verilən xəbərə görə, araşdırmalar Azərbaycan Respublikasının Prezidenti yanında Elmin İnkişafı Fondu və Belarusiyanın Fundamental Tədqiqatlar Fondu tərəfindən qrant mükafatı alan layihə çərçivəsində təşkil olunub.
2 illik layihənin rəhbərləri Azərbaycandan Fizika İnstitutunun laboratoriya rəhbəri, fizika-riyaziyyat elmləri doktoru, professor Oktay Tağıyev, Belarusiyadan isə fizika-riyaziyyat elmləri doktoru, professor Gennadiy Yablonskidir.
O.Tağıyev bildirib ki, tədqiqatların nəticələri bir çox elektron avadanlıq üçün, o cümlədən, televiziyada təsvirin viziuallaşdırılmasında və tibbdə biosensor kimi, yəni insan sümüyündə və dərisində mikrozədələnmələrin tədqiq edilməsi istiqamətində tətbiq oluna bilər.
Bütün xəbərlər Facebook səhifəmizdə
USD
EUR
GBP
RUB