Prezident İlham Əliyev İbrahim Həsən oğlu Cəfərovun Azərbaycan Dövlət Aqrar Universitetinin (ADAU) rektoru təyin edilməsi haqqında sərəncam imzalayıb.
Cəfərov İbrahim Həsən oğlu 20 yanvar 1956-cı ildə Naxçıvan Muxtar Respublikası Şərur rayonu Düdəngə kəndində anadan olub.
1974-1976-cı illərdə keçmiş Sovet ordusu sıralarında hərbi xidmətdə olub.
1979-cu ildə Azərbaycan Kənd Təsərrüfatı İnstitutunda dinləyici, 1980-1985-ci illərdə həmin institutda tələbə olub, Bitki mühafizəsi fakültəsini bitirib.
1985-1988-ci illərdə K.A.Timiryazev adına Moskva Kənd Təsərrüfatı Akademiyası Fitopatologiya kafedrasının əyani aspirantı olub.
13 fevral 1989-cu ildə SSRİ Nazirlər Soveti yanında Ali Attestasiya Komissiyasının qərarı ilə (protokol № 2/1) kənd təsərrüfatı elmləri namizədi elmi dərəcəsi verilib.
18 yanvar 1989-cu ildə keçmiş SSRİ Aqrar Sənaye Komitəsinin 372 saylı göndərişi ilə AKTİ-nin fitopatologiya və immunitet kafedrasına assistent təyin edilib.
04 iyul 1992-ci ildən dosent əvəzi vəzifəsinə təyin edilib.
13 yanvar 1994-cü ildəAzərbaycan Respublikası Prezidenti yanında Ali Attestasiya Komissiyasının qərarı ilə (protokol №10) dosent elmi adı verilib.
1993-cü ildən 2002-ci ilədək Meyvə-tərəvəzçilik və üzümçülük fakül təsinin, sonra isə Aqronomluq və torpaqşünaslıq fakültəsinin dekanı işləyib.
1996-cı ildən Yeni Azərbaycan Partiyasının üzvüdür.
2005-ci ilin iyun ayında doktorluq dissertasiyasını müdafiə edib.
Azərbaycan Respublikası Prezidenti yanında Ali Attestasiya Komissiyasının 16 iyun 2006-cı il tarixli qərarı (protokol №12-R) ilə kənd təsərrüfatı elmləri doktoru elmi dərəcəsi verilib.
17 sentyabr 2007-ci ildən AKTA-nın Elmi Şurasının qərarı (protokol №1) ilə Bitkiçilik və bitki mühafizəsi kafedrasının professor əvəzi vəzifəsində işləyir.
3 dərslik, 1 dərs vəsaiti, 100-dən artıq elmi məqalə, 4 metodiki tövsiyyə, fənn proqramları və metodik göstərişlərin müəllifidir.
2000-ci ildən Gəncə şəhərində əvvəlcə 39, sonra 38 saylı Dairə Seçki Komissiyasının sədri vəzifəsində işləyir.
Yeni təyinata qədər ADAU-nun rektor əvəzi, tədris işləri üzrə prorektoru vəzifəsində çalışıb.
Bütün xəbərlər Facebook səhifəmizdə
USD
EUR
GBP
RUB