Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə Azərbaycanda keçiriləcək seçkilərlə bağlı baş verə biləcək hər hansısa xoşagəlməz hadisə ilə əlaqədar dindarlara xəbərdarlıq edib. SİA-nın məlumatına görə, Şeyxülislam bu gün QMİ-də keçirilən tədbirdə bildirib ki, bu il Azərbaycana xarici təsirlər daha da artır, xüsusilə dindarlar bu məsələdə çox ehtiyatlı olmalıdır.
O qeyd edib ki, Azərbaycanda dini müxtəliflik var, dini təriqətlər arasında tolerantlıq mövcuddur: "Amma bəzən dini təriqətlərimizə xarici təsirlər də olur. Xarici təsirlərə məruz qalan dini alimlərimiz də var. Nəzərə alsaq ki, bu il ölkədə prezident seçkiləri ilidir, siz dindarlar bu məsələdə ehtiyatlı olmalısınız. Elə edin ki, seçkilər ərəfəsində bizim dindarlarımızdan istifadə olunmasın".
Bütün xəbərlər Facebook səhifəmizdə
USD
EUR
GBP
RUB