Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev Avropa Şurasının gənclərlə iş sahəsi üzrə proqram komitəsinin üzvü kimi 3-6 iyun 2013-cü il tarixlərində Macarıstanın Budapeşt şəhərində Avropa Şurasının gənclərlə iş sahəsi üzrə proqram komitəsinin 29-cu iclasında iştirak edib. SİA-ya verilən məlumata görə, iclasın keçirilməsində əsas məqsəd 2012-ci ilin gənclər sahəsi üzrə proqramın monitorinqinin aparılması və 2013-cü ilin proqram və büdcəsinin müzakirə olunması, eyni zamanda Avropa Gənclər Fondu tərəfindən 2013-cü ilin fəaliyyətlərinin qiymətləndirilməsindən ibarətdir.
İclas zamanı 2012-ci ilin büdcəsinin monitorinqi aparılıb, 2013-cü ilin birinci hissəsi ərzində Avropa Gənclər Fonduna daxil olan gənclər layihələri və onlara ayrılmış vəsait müzakirə olunub, eyni zamanda, proqram komitəsinin üzvlərinə növbəti 2014-cü il üçün büdcə layihəsi təqdim olunub.
Bütün xəbərlər Facebook səhifəmizdə
USD
EUR
GBP
RUB