Səfərbərlik və Hərbi Xidmətə Çağırış üzrə Dövlət Xidmətinin Aparatında "28 May – Respublika günü"nə həsr olunmuş tədbir keçirilib. SİA-ya verilən məlumata görə, toplantıda xidmət rəisinin müavini general-mayor Novruzəli Orucov çıxış edib. Azərbaycan Xalq Cümhuriyyətinin yaradıldığı tarixi şəraitdən söz açan Novruzəli Orucov 28 May tarixinin hər bir azərbaycanlı üçün qürur günü olduğunu vurğulayıb: "Müstəqilliyi əldə etmək qədər onu qoruyub saxlamaq da çətindir. Yaxın keçmişimizdə baş verən hadisələr də bu misalın həqiqət olduğunu bir daha sübut edib. Ötən əsrin sonlarında yenidən müstəqillik qazanan Azərbaycan onu itirmək təhlükəsi ilə üzləşib. Azərbaycan bu təhlükədən məhz Ümummilli lider Heydər Əliyevin üzaqgörənliyi sayəsində uzaqlaşa bilib".
Bu gün Azərbaycanın müstəqilliyinin möhkəm təməllər üzərində dayandığını deyən, Novruzəli Orucov hər bir kəsin dövlətimizin daha da qüdrətlənməsi üçün çalışmalı olduğunu bildirib.
Qeyd edək ki, tədbir daha sonra "Cümhuriyyət tarixi" sənədli filminin nümayişi ilə davam etdirilib.
Bütün xəbərlər Facebook səhifəmizdə
USD
EUR
GBP
RUB