Hər il ənənəvi olaraq Gəncliyə Yardım Fondunun təşkilatçılığı ilə 8 Mart Beynəlxalq Qadınlar Günü münasibətilə "Azərbaycan və Türkiyə xanımlarının əl işləri Xeyriyyə Sərgisi" təşkil edilir. Fonddan SİA-ya verilən məlumata görə, sərgidən əldə olunan gəlir Azərbaycan xalqının milli problemlərinə həsr olunur. Belə ki, keçən illərdə təşkil edilən sərgilər; "Xocalıya Yardım", "Qarabağ Suallar və Faktlar" kitabının nəşri, "Yeddi Uşaq Evinə Yardım", "Qocalar Evinə Yardım", "Uşaqlar Arasında Dişlərə Qulluq Mədəniyyətinin Formalaşması", "Qarabağ Suallar və Faktlar" kitabının türk dilində nəşri, "25 əlilə əlil arabası" "50 imkansız tələbəyə bir illik təqaüd" və "Yüz imkansız ailəyə bir illik ərzaq yardımı" "101 Arzunu Gerçəkləşdir" layihəsinə həsr edilib. Qeyd edək ki, ənənəvi xeyriyyə sərgisinə Azərbaycan xalqının marağı yüksək səviyyədədir.
Bir insanı sevindirməyin nə qədər dəyərli bir əməl olduğunu hər birimiz çox yaxşı bilirik. İnsanları sevmək, onlara qayğı göstərmək, ən azından onların dərdlərinə şərik olmaq, bununla yanaşı öz yurd-yuvalarından didərgin düşmüş soydaşlarımıza, onların timsalında imkansız ailələrə imkanımızın çatdığı qədər yardımların edilməsi ən azından insanlıq və vətəndaşlıq borcumuzdur. Bu ülvi qayəni qarşısına məqsəd qoyan Gəncliyə Yardım Fondu bu işdə hər kəsi birliyə və həmrəyliyə dəvət edir.
İllərdir ehtiyac sahibi olan ailələrə yardım edən və onlara hər zaman qayğı göstərən "Gəncliyə Yardım Fondu" ənənəvi olaraq, aztəminatlı, eləcə də qaçqın və məcburi köçkün ailələrinə sovqatlar aparır və onları lazımi məişət avadanlıqlarıilə təmin edir.
Bunun bariz nümunəsidir ki, bu ilki xeyriyyə sərgisindən əldə olunacaq vəsait, Gəncliyə Yardım Fondunun "101 Ehtiyac Sahibi Ailəyə Yardım" layihəsində istifadə olunması planlaşdırılıb.
Qeyd edək ki, layihə çərçivəsində Bakı şəhərində yaşayan 101 ehtiyac sahibi ailə seçiləcək və sərgidən əldə olunan gəlirlər onların ehtiyaclarının aradan qaldırılmasına sərf ediləcək.
Bütün xəbərlər Facebook səhifəmizdə
USD
EUR
GBP
RUB