Avropa Şurası Parlament Assambleyası qış sessiyasının növbəti iş günündə Avropa Yenidənqurma və İnkişaf Bankının (AYİB) fəaliyyəti müzakirə olunub.
Müzakirələr ətrafında çıxış edən Azərbaycan nümayəndə heyətinin üzvü Sevinc Fətəliyeva bildirib ki, qlobal və milli iqtisadiyyat XX əsrin sonlarında intensiv inteqrasiya cərəyanları ilə xarakterizə olunur. Qloballaşma iqtisadi həyatda beynəlmiləlçiliyin yeni formasıdır. Avropa Yenidənqurma və İnkişaf Bankının yaranması özəl sektorun inkişafını, infrastrukturu, Mərkəzi və Şərqi Avropa ölkələrində bazar islahatlarının struktur dəyişikliklərinin həyata keçirilməsini yüksəldir və bu, Avropada inteqrasiyanın inkişafı prosesində ən mühüm hadisələrdən biri kimi diqqəti cəlb edir. Lakin dövlət sektoruna malik səhmdarların olmasına baxmayaraq, Bank əsasən digər kommersiya tərəfdaşları vasitəsilə özəl sektora investisiya yatırır. Avropa Yenidənqurma və İnkişaf Bankı əsasən özəl müəssisələrə ticarət tərəfdaşları ilə birlikdə səhmlər qoyur. AYİB bank, sənaye və biznes sektoru üçün layihələri maliyyələşdirir. Bundan başqa, özəlləşdirməyə dəstək, dövlət müəssisələrinin restrukturizasiyası və bələdiyyə xidmətlərinin təkmilləşdirilməsi istiqamətində həmin qurumlarla əməkdaşlıq edir.
Millət vəkili bildirilib ki, AYİB özünü təkcə ərazi bankı kimi göstərməklə məhdudlaşmır, qurum həm də öz fəaliyyətini Mərkəzi və Şərqi Avropa ölkələrində keçid prosesinin inkişafı ilə əlaqələndirən mövqe tutur. Bu zaman Bank öz əməkdaşlığını çoxpartiyalı demokratiya prinsiplərinə, plüralizmə və bazar iqtisadiyyatına yönəlməyən ölkələrdə həyata keçirə bilmir. Özünün xüsusi makroiqtisadi göstəricilərinə ciddi şərtlər qoyan Beynəlxalq Maliyyə Fonduna zidd olaraq, AYİB özünün siyasət dəyişikliyini saxlayır. Müxtəlif ölkələr bazar iqtisadiyyatına keçid prosesində fərqli mərhələlərdədir. Yerli şərait Bankın əməliyyat metodlarını, onun strategiyasını müəyyən edir, bir neçə halda maliyyə və risk azalmasının yeni yollarının inkişafına gətirib çıxarır. AYİB hər ölkənin əməliyyatı üçün hərtərəfli strategiyalar hazırlayır və özünün maliyyə alətlərini, təlimlərini hər ölkənin və hər layihənin bacarıqlarına, ehtiyaclarına uyğunlaşdırır. Avropa Yenidənqurma və İnkişaf Bankının maliyyələşməsi üçün tələbin səviyyəsi və xüsusiyyəti keçid prosesinin mərhələsindən, o ölkənin özəl investorlara münasibətindən asılıdır.
Azərbaycanlı deputatın çıxışı maraqla qarşılanıb.
Bütün xəbərlər Facebook səhifəmizdə
USD
EUR
GBP
RUB