ABŞ Qida və Dietologiya Akademiyasının eksperti Ancela Cinn qışda səhhəti normada saxlamağa imkan verəcək ən faydalı qidalardan bəhs edib. SİA-xarici mətbuata istinadən xəbər verir ki, önəmli məqam odur ki, bu təamlar ucuzdur və asanlıqla alına bilər.
Bu təamlar arasında "supermen" kartofdur. Kartofda A vitamini, antioksidantlar, beta-karotinlər çoxdur. Bu maddələr immun sistemini gücləndirir, dərini hamar edir.
İkinci yerdə gülkələmi var. "Bəziləri gülkələmini sevmirlər. Halbuki gülkələmi aşağı kalorili olmaqla yanaşı, C vitamini, liflər, folium turşusu, kalium və K vitamini mənbəyidir", - Cinn deyib.
Üçüncü yerdə quşüzümüdür. Quşüzümü bakteriyalarla mübarizədə ürəyi gücləndirir, sidik yollarındakı infeksiyaların qarşısını alır. Onun tərkibində A vitamini və beta-karotinlər həddən ziyadədir.
Dördüncü yerdəki balqabaq da A və C vitaminləri, habelə beta-karotinlər mənbəyidir.
Beşinci təam və qış üçün çox sərfəli olan məhsuldan biri də kəvərdir. Kəvər insanı ürək xəstəlikləri və prostat xərçəngindən qoruyan kalsiumla zəngindir.
Altıncı təam C vitamini və kalsiumla zəngin turpdur. Turpun yarpaqlarında isə A və K vitaminləri, habelə folium turşusu var.
Bütün xəbərlər Facebook səhifəmizdə
USD
EUR
GBP
RUB