Gəncədə I Şərab Festivalının iştirakçıları mükafatlandırılıb. SİA-nın bölgə müxbirinin verdiyi xəbərə görə, şəhər İcra Hakimiyyətində təşkil edilən tədbirdə Fransanın ölkəmizdəki səfiri Paskal Monie və rəhbərlik etdiyi nümayəndə heyəti də qatılıb. Olduqca yüksək səviyyədə təşkil edilən tədbirlərdən məmnun qaldıqlarını bildirən qonaqlar analoji tədbirin gələn il Fransa səfirliyinin dəstəyi ilə yenidən keçirilməsi təklifi ilə çıxış ediblər. Gəncədən xoş təəssüratlarla ayrıldıqlarını qeyd edən fransız nümayəndə heyəti bundan sonra da Azərbaycanın maraqlarını ölkələrində müdafiə edəcəkləri vurğulanıb. Ardından mükafatlar sahiblərinə verilib.
Məlumat üçün bildirək ki, Fransa səfiri Gəncə Dövlət Universitetində də görüş keçirib. Burada təhsil alan tələbələrlə görüşən nümayəndə heyəti ali təhsil ocağında fransız dilinin tədrisindən məmnunluqlarını ifadə ediblər.
Tələbələrin mübadilə məsələləri də gündəmə gətirilib. Hazırda Gəncə Dövlət Universiteti ilə Fransanın Strasburq Universiteti arasında sıx əməkdaşlıq qurulub. Gələcəkdə digər ali təhsil müəssisələri ilə də əməkdaşlıq edilməsinin vacibliyi diqqətdə saxlanılır.
Bununla ,da I Şərab Festivalına qatılan fransalı nümayəndə heyətinin Gəncə şəhərinə 3 günlük səfəri başa çatıb.
İlham Məmmədov
Bütün xəbərlər Facebook səhifəmizdə
USD
EUR
GBP
RUB