Şabranın Ağalıq kəndində köhnə binada baş verənlər gecə saatlarında sakinləri qorxuya salıb. SİA-nın Şimal bürosunun verdiyi məlumata görə, binanın tavanı əyilməyə başlayıb. Gecə saatlarında binada qəzalı vəziyyət yaranıb, sakinlər bir an qorxu içində qalıblar. 1950-ci ildə inşa edilmiş binada indiyədək heç bir təmir işləri aparılmadığından uçma təhlükəsi yaranıb.
Bina uçulmağa başlayan an sakinlər dərhal FHN-nin Şimal Regional Mərkəzinə xəbər veriblər. FHN-nin Şimal Regional Mərkəzindən xilasedicilər cəlb olunaraq qəzalı binada yaşayanları 2 saat ərzində evakuasiya edərək, Ağalıq kəndindəki xəstəxanaya yerləşdiriblər.
Xəstəxanaya yerləşdirilən ailələr soyuq havada elektrik sobası ilə qızınmağa məcbur olublar. Binadan çıxarılan ailələrin xeyli hissəsi yaxin qohumlarının evində yerləşdirilib. 11 ailədən 3-ü kəndin Sahə Xəstəxanasındadır.
Bina Şabran RPŞ tərəfindən nəzarətə götürülüb. Polis əməkdaşları binaya kimsənin daxil olmasına imkan vermirlər.
Emin Kərimov, Şabran
Bütün xəbərlər Facebook səhifəmizdə
USD
EUR
GBP
RUB