"İçərişəhər" Dövlət Tarix-Memarlıq Qoruğu İdarəsinin dəstəyi ilə "Beş əhvalat" layihəsinə start verilir. Qurumdan SİA-ya verilən məlumata görə, layihənin məqsədi gənc Azərbaycan rejissorlarına dəstək verməkdən və ölkəmizin tarixi-memarlıq irsinə marağın artırılmasından ibarətdir.
Layihə beş rejissora master-klass məşğələlərinin keçirilməsini və nəticədə rejissorlar tərəfindən beş qısametrajlı filmin çəkilişini nəzərdə tutur.
Master-klass məşğələlərini Kann festivalının "Qızıl kamera"mükafatı laureatı Vitali Kanevski aparır. Rejissura və ssenari sənəti barədə master-klass məşğələlərində rejissorlar Elvin Adıgözəl, Teymur Hacıyev, Eldar Albertson, Murad Əbiyev və Cavad Tağızadə iştirak edirlər. Məşğələlər 14 oktyabr tarixindən etibarən 21 oktyabradək davam edəcək. Qısametrajlı filmlərin çəkilişi 2013-cü ilin mart ayında "İçərişəhər " və "Qala" qoruqlarında keçiriləcək.
Qeyd edək ki, master-klassda qonaq qismində ssenarist və prodüsser İradə Bağırzadə, rejissor, tələbə "Oskar"ının bürünc medal sahibi Elmar İmanov və məşhur kinokritik Ülvi Mehdi iştirak edirlər.
Bütün xəbərlər Facebook səhifəmizdə
USD
EUR
GBP
RUB