Azərbaycan Respublikası Milli Məclisinin Aparatında 2012-ci ilin sentyabr ayında vətəndaşların qəbulu başlayıb. Milli Məclisin mətbuat xidmətindən verilən məlumata görə, deputatların qəbul günləri artıq məlumdur. Milli Məclisi sədrinin birinci müavini - Təhlükəsizlik və müdafiə komitəsinin sədri Ziyafət Əsgərovun qəbulu sentyabrın 24-dən başlayacaq. Milli Məclisi sədrinin müavini Bahar Muradovanın isə qəbul günləri sentyabrın 17-dən başlayacaq.
Parlamentin digər üzvləri Valeh Ələsgərovun qəbulu ayın 28-dən, Əli Hüseynlinin vətəndaşlarla qəbulu sentyabrın 19-dan başlayacaq. Milli Məclisin İqtisadi siyasət komitəsinin sədri Ziyad Səmədzadənin qəbuluna cari ayın 20-dən düşmək mümkün olacaq. Millət vəkili Eldar İbrahimovun qəbulu sentyabrın 18-dən, Hadi Rəcəblinin qəbulu ayın 26-dan başlayacaq. Vətəndaşlar Milli Məclis Aparatının Vətəndaşların qəbulu və müraciətləri ilə iş şöbəsində qəbul olunurlar. Qəbula yazılma vaxtı: saat 9.00-dan 18.00-dək, qəbul vaxtı isə saat 14.00-dan başlayacaq. Bildirilib ki, Qəbul günü qəbula yazılma saat 12.00-da dayandırılır.
Qeyd edək ki, artıq Milli Məclisin komitələri fəaliyyətə başlayıb. Oktyabrın 1-dən isə Milli Məclisin payız sessiyası öz işinə başlayacaq.
Bütün xəbərlər Facebook səhifəmizdə
USD
EUR
GBP
RUB