Xəbər verdiyimiz kimi, bu gün səhər saatlarında Lökbatan qəsəbəsində qatarla sərnişin avtobusunun toqquşması nəticəsində dəhşətli qəza baş verib. "Azərbaycan Dəmir Yolları" Qapalı Səhmdar Cəmiyyətinin Mətbuat Katibliyinin rəisi Nadir Əzməmmədov SİA-ya açıqlamasında deyib ki, hadisənin baş verməsinə səbəb sürücü tərəfindən Azərbaycan Respublikasının "Yol hərəkəti haqqında Qanun"un 44-cü maddəsinin tələblərinin pozulması olub.
Belə ki, avqustun 31-də Ağstafa-Bakı marşrutu ilə hərəkət edən 97/98 saylı sərnişin qatarı səhər saat 07:25-də Puta stansiyasını keçərək Puta-Heybət mənzilinin 513-cü kilometrində yerləşən qorunan dəmir yolu keçidində saat 07-30-da təyin olunmuş sürətlə hərəkətdə olan zaman, keçidi keçməyə cəhd göstərən "DAEWOO" markalı 10-TF-427 dövlət nömrə nişanlı 124 №-li sərnişin avtobusu ilə toqquşub. Hadisə nəticəsində avtobusun sərnişinlər arasında ölənlər və xəsarət alanlar var. Hadisə yerində hüquq-mühafizə orqanları ilə birgə aparılmış araşdırma zamanı, qorunan keçidin texniki vəziyyəti Nəqliyyat Nazirliyinin 27.10.2003-cü il tarixli 47/s-saylı "Dəmir yolu keçidlərinin istismarına dair Təlimat"ın tələblərinə uyğun olması müəyyən edilib.
Bütün xəbərlər Facebook səhifəmizdə
USD
EUR
GBP
RUB