Dövlət Sərhəd Xidmətinin (DSX)
əməkdaşları tərəfindən qeyri-leqal miqrasiyaya, narkotik vasitələrin
qeyri-qanuni dövriyyəsinə, qaçaqmalçılığa və digər bu kimi cinayətlərə qarşı
mübarizə tədbirləri davam etdirilib və iyun ayı ərzində aşağıdakı nəticələr
əldə olunub.
DSX-nin mətbuat mərkəzindən SİA -ya verilən məlumata görə, dövlət
sərhədini pozduqları üçün 38 halda 53 nəfər saxlanılıb. Tutulan sərhəd
pozucularının 39 nəfəri Azərbaycan Respublikası, 7 nəfəri Özbəkistan, 3 nəfəri
İran İslam respublikası, 2 nəfəri Gürcüstan, 1 nəfəri Moldova, 1nəfəri isə Türkiyə
vətəndşı olub. Sərhəd rejim qaydalarını pozduğuna görə, 5 halda 10 nəfər, Xəzər
dənizində sahilboyu rejim qaydalarını isə pozarkən 24 halda 40 nəfər saxlanılaraq
barələrində müvafiq tədbirlər görülüb. Axtarışda olan 184 nəfər saxlanılaraq isə
hüquq-mühafizə orqanlarına təhvil verilib.
Narkotik vasitələrin qeyri-qanuni
dövriyyəsinə qarşı mübarizə tədbirləri nəticəsində ay ərzində 7 halda 1 kiloqram
543 qram narkotik maddə aşkar edilərək,dövlət sərhəddindən keçirilməsinin
qarşısı alınıb. Dövlət Sərhəd Xidməti tərəfindən "Xaşxaş 2012" şərti adı altında
keçirilən tədbirlər nəticəsində Şəki, Lerik, Balakən və Zaqatala rayonlarının
ərazilərində 11,3 hektar sahədə yabanı halda bitmiş 17 min 455 kiloqram çətənə
və xaş-xaş kolları aşkar edilərək məhv edilib.
Dövlət Sərhəd Xidmətinin Sahil Mühafizəsi tərəfindən ölkəmizə məxsus 3 gəmiyə
və 24 qayığa baxış keçirilib, dənizdən 1750 metr tor, 2 ədəd qayıq, gəmi və
qayıqlardan 885 ədəd araq, 59 ədəd pivə, 100 litr benzin, 1 ədəd GPS, 2 ədəd
mühərrik, 2 ədəd mobil telefon, 1 cüt ayaq pəri aşkar edilərək götürülüb.
Qaçaqmalçılıq fəaliyyətinə qarşı mübarizə çərçivəsində həyata keçirilən
tədbirlər nəticəsində 42 halda ümumi dəyəri 292 min 713 manat olan qaçaqmal, o
cümlədən 1 ədəd pnevmatik tapança, 1 ədəd kustar üsulla hazırlanmış tapança,
TOZ-8 tüfəngi üçün 5 ədəd patron və s. məhsullar saxlanılıb.
Mənzər Ərçəqızı
Bütün xəbərlər Facebook səhifəmizdə
USD
EUR
GBP
RUB