Bu gün Bakıda "Kreativ nəsil: Gələcək bu gün qurulur" mövzusunda müzakirələr keçirilir. SİA-nın xəbərinə görə, tədbir Gənclər və İdman Nazirliyi, Strateji Araşdırmalar Mərkəzi və Gənclər Fondunun birgə təşkilatçılığı ilə aparılır.Tədbirdə çıxış edən SAM-ın direktoru Fərhad Məmmədov deyib ki, dövlət gənclərin fəal, kreativ və bir çox istiqamətlərdə peşəkar olmasını istəyir: \"Biz istərdik ki, bu müzakirələr gənclərin gündəlik müzakirə mövzusuna çevrilsin. Bu mövzu bir neçə həftə əvvəl Azərbaycanın Prezident Administrasiyasının rəhbəri Ramiz Mehdiyevin "21-ci əsr Azərbaycan gəncliyi" adlı dərc olunan məqaləsindən başlayıb. Bu məqalədə Azərbaycanın əsas inkişaf istiqamətləri, əhalinin gələcəyə baxışı əsas götürülüb. Eyni zamanda kreativ nəslin gələcəyə uyğunlaşmasını özündə əks etdirir. Gələcək nəsil yeni şəraitdə, dövrdə fəaliyyət göstərir. Cəmiyyətin irəli aparılmasında gənclərin rolu böyükdür. Bu məqalə ilk növbədə modernləşmənin nədən ibarət olmasının təhlili aparılıb. Modernləşmə ilk növbədə siyasi, iqtisadi fəaliyyəti həyata keçirməkdir. Dövlət, hakimiyyət gələcək nəslin inkişafını ortaya qoyub\".
Fərhad Məmmədov həmçinin bildirib ki, bu günki tədbirdə bir neçə təqdimat da keçiriləcək: \"İlk növbədə Azərbaycanın yeni postmodern cəmiyyətə keçidi, modernləşmənin iqtisadi, siyasi, sosial, iqtisadi tərəfləri, bütün bu proseslərdə gənclərin rolu və vəzifəsi məsələləri müzakirə ediləcək. Gənclər tərəfindən səslənən təkliflər ümumiləşdirilərək Prezident Administrasiyasına göndəriləcək\".
Akademik Ramiz Mehdiyevin "XXI əsrdə Azərbaycan ideyası kreativ millət kontekstində" məqaləsinə toxunan Bakı Slavyan Universitetinin rektoru Kamal Abdulla bu əsəri "bizimlə səmimi söhbət" kimi dəyərləndirib: \"Akademik Ramiz Mehdiyevin yazdığı və cəmiyyətin müzakirəsinə təqdim etdiyi "XXI əsrdə Azərbaycan ideyası kreativ millət kontekstində" kitabı fundamentallığı ilə yanaşı, müasir Azərbaycanımızın ideoloji konstitusiyasıdır. Həmin əsərdə bu gün Azərbaycan nədir, onu nə cür görürük, təsəvvür edirik, Azərbaycanın inkişaf meyilləri haraya istiqamətlənib, geniş təhlil olunub.Təsadüfi deyil ki, bu əsərin baxış bucağı XXI əsrə tuşlanıb. Ancaq belə hesab edirəm ki, biz bunun nəfəsini hələ növbəti əsrlərdə də hiss edəcəyik. Çünki bu ideoloji konstitusiyada ulu öndər Heydər Əliyevin Azərbaycan naminə etdiyi, gördüyü işlər bu gün onların bir ənənə kimi davam etdirilməsi, o cümlədən ölkə prezidenti İlham Əliyevin çoxşaxəli fəaliyyəti çox ciddi, analitik təhlilə cəlb olunub. Cənab prezidentin həmişə işlətdiyi bir söz var ki, biz iqtisadi potensialımızı mədəni, intellektual kapitala çevirməliyik. Bu əsərdə də məhz bunun yolları çox ciddi elmi araşdırmalarla göstərilib".
O qeyd edib ki, oxuduğumuz yaxşı əsər həm də o əsərdir ki, yeni perspektivləri müzakirələrə çıxarsın, təqdim etsin:"Akademik Ramiz Mehdiyevin də məlum əsəri məhz bu amillər üzərində köklənib, yəni, bizim hər birimizin daxili narahatlığımıza səbəb olan məsələlərlə bağlı qələmə alınmış səmimi söhbət formasında öz əksini tapıb.Biz savadlı, amma vətənpərvərlikdən uzaq, bilikli, lakin millətinin, dövlətinin, xalqının dərdlərinə, problemlərinə biganə olan bir gənclikmi yetişdirməliyik, yoxsa bunların hər ikisini özündə ehtiva edən, yəni həm bilikli, həm vətənpərvər, həm savadlı, həm də dövlətinə, xalqına laqeyd olmayan gənclər yetişdirməliyik, hazırlamalıyıq? Hesab edirəm ki, biz ikinci variantı seçməliyik və elə Ramiz Mehdiyevin məlum əsərində də bu birləşmənin mexanizmləri özünü əks etdirir".
Bütün xəbərlər Facebook səhifəmizdə
USD
EUR
GBP
RUB