Prezident yanında Strateji Araşdırmalar Mərkəzinin (SAM) əməkdaşı beynəlxalq tədbirə qatılacaq. Bu barədə SİA-ya məlumat SAM-ın mətbuat xidmətindən verilib. Məlumata görə, SAM-ın şöbə müdiri Rövşən İbrahimov Dialoq və Əməkdaşlıq Uğrunda İslam Konfransı Gənclər Forumunun (DƏUİKGF) sayca 2-ci Beynəlxalq model qlobal sammitində iştirak edəcək.
Qeyd edək ki, iyulun 3-10-da Tatarıstanın paytaxtı Qazan şəhərində keçiriləcək tədbirin məqsədi gənclər arasında İslam Əməkdaşlıq Təşkilatına üzv olan dövlətlərin münasibətlərinin necə formalaşdığını müzakirə etmək və öyrənməkdir. Həmin tədbirdə DƏUİKGF-a 57 üzv dövlətdən 190-na yaxın tələbənin, media nümayəndələrinin iştirakı gözlənilir. R.İbrahimovun Yüksək Səviyyəli Məsləhətçi Şurasının üzvü kimi forum iştirakçıları qarşısında məruzə ilə çıxış edəcəyi nəzərdə tutulur.
Bütün xəbərlər Facebook səhifəmizdə
USD
EUR
GBP
RUB