Azərbaycana Birgə Yardım (UAFA) təşkilatı, Bakcell şirkətinin dəstəyi ilə Xaçmaz rayonunda Uşaqların Beynəlxalq Müdafiəsi Gününə həsr olunmuş tədbir keçirib. Bakcell və UAFA-ın birgə layihəsi çərçivəsində UAFA Xaçmaz İcma Əsaslı Reabilitasiya (İƏR) mərkəzi tərəfindən Zərifə Əliyeva adına məktəb-litseyin akt zalında təşil olunan tədbirdə uşaqlar şeirlər söyləyib, xalq mahnıları ifa edib, səhnəciklər nümayiş etdiriblər.
Bakcell şirkətinin davamlı maliyyə dəstəyi ilə Xaçmaz İƏR mərkəzində fəaliyyət göstərən Rəqs dərnəyinin 10 üzvü "Qaragöz" özbək rəqsi, "Naz Eləmə" Azəbaycan milli rəqsi, cütlüyün ifasında "Bal rəqsi"- və s. rəqsləri ifa edib, "Bacarıqlı Əllər" dərnəyinin üzvləri isə əl işlərini sərgiləyiblər.
Qeyd edək ki, Bakcell şirkətinin Korporativ Sosial Məsuliyyət proqamının dəstəyi ilə Azərbaycana Birgə Yardım (UAFA) təşkilatı respublikanın bir neçə rayonunda və Bakı şəhərində fəaliyyət göstərən İcma Əsaslı Reabilitasiya (İƏR) mərkəzlərində "Ünsiyyət problemli uşaqların incəsənət vasitəsilə bacarıqlarının artırılması" layihəsi həyata keçirilir. Layihəyə cəlb olunan uşaqların əqli gerilik, skolioz, uşaq serebral iflici, qavrama problemi olanlar, nitq qüsuru və s. problemlərdən əziyyət çəkirlər.
Bütün xəbərlər Facebook səhifəmizdə
USD
EUR
GBP
RUB
