28 May - Respublika Günü münasibətilə Azərbaycan Respublikasının İran İslam Respublikasındakı səfirliyində təntənəli mərasim keçirilib. SİA-nın AzərTAc-a istinadən xəbər verir ki, mərasimdə İran rəsmiləri, Tehrandakı diplomatik korpusun və beynəlxalq təşkilatların təmsilçiləri, ölkə ictimaiyyətinin nümayəndələri iştirak ediblər.
Əvvəlcə ümummilli lider Heydər Əliyevin səfirlikdəki büstü önünə əklil qoyulmuş, gül çələngləri düzülüb. Azərbaycanın və İranın dövlət himnləri səsləndirildikdən sonra ölkəmizin tarixini, mədəniyyətini, müasir inkişaf göstəricilərini əks etdirən sənədli filim nümayiş olunub.
Mərasimi giriş sözü ilə açan Azərbaycanın İrandakı səfiri Cavanşir Axundov xalqımızın istiqlaliyyət tarixi, Azərbaycan Xalq Cümhuriyyətinin yaranması, keçdiyi yol, müasir inkişaf istiqamətləri barədə iştirakçılara məlumat verib. Bildirib ki, keçmiş sovetlər birliyinin süqutu ərəfəsində erməni millətçilərinin əsassız iddiaları ilə üzləşən Azərbaycan dövləti çətin sınaqlar qarşısında qalıb. Ümummilli lider Heydər Əliyevin xilaskarlıq missiyası, polad iradəsi, böyük dövlət idarəçilik təcrübəsi Azərbaycan Respublikasının məhv olmaq təhlükəsindən xilas edib.
Diqqətə çatdırılmışdır ki, ulu öndər Heydər Əliyevin müəyyən etdiyi uzaqgörən strategiya ölkəmizi işıqlı gələcək yoluna çıxarmışdır. Bu siyasətin Prezident İlham Əliyev tərəfindən uğurla davam etdirilməsi Azərbaycanın kompleks və sistemli inkişafını təmin etmişdir. Bu gün Azərbaycan dünya birliyində öz mövqelərini möhkəmləndirmiş, qüdrəti artmış, əhalinin rifahı yaxşılaşmışdır. Azərbaycan ulu öndər Heydər Əliyevdən miras qalan mehriban qonşuluq və səmimi dostluq siyasətinə sadiq ölkədir.
Rəsmi hissədən sonra İrandakı \"Dədə Qorqud\" aşıqlar qrupu geniş konsert proqramı ilə çıxış etmişdir. Müsiqiçilərin ifa etdikləri \"Azərbaycan\" mahnısı hərarətli alqışlarla qarşılanıb.
Bütün xəbərlər Facebook səhifəmizdə
USD
EUR
GBP
RUB