“Təşkilatı idarəetmə” mövzusunda təlim kurslarına start verilib

Gənclər və İdman Nazirliyi, Azərbaycan Tələbə Gənclər Təşkilatları İttifaqı (ATGTİ) ilə birgə "Təşkilatı idarəetmə" mövzusunda təlim kurslarına start verib.

İttifaqın mətbuat xidmətindən SİA-ya verilən məlumata görə, respublikanın ali və orta ixtisas təhsili müəssisələrinin Tələbə Gənclər Təşkilatlarının (TGT) sədr və sədr müavinləri üçün keçirilən təlimin əsas məqsədi ali və orta ixtisas təhsili müəssisələrinin TGT-lərinin sədr və sədr müavinlərinə təşkilati quruculuq, o cümlədən onların istiqamətləndirilməsi, layihələrin yazılması, idarə olunması, təşkilatdaxili sənədlərin hazırlanması üzrə metodiki köməyin göstərilməsidir.

2-4 may tarixlərini əhatə edən təlim kursu Şüvələn qəsəbəsində yerləşən "Respublika Uşaq və İdman Sağlamlıq Mərkəzi"ndə keçirilir.

Qeyd edək ki, təlim kursunda respublikanın 30-dan çox ali və 53 orta ixtisas təhsil müəssisələrinin TGT sədr və sədr müavinləri iştirak edir. Kurslarda gənc liderlərə "Layihələrin yazılması və idarə edilməsi", "Liderlik və komanda işinin təşkili" həmçinin "Sənədləşmə işinin təşkili" mövzularında təlimlər keçiriləcək.

Təlim kursunun sonunda iştirakçılara sertifikatlar təqdim olunacaq.

Bütün xəbərlər Facebook səhifəmizdə